NU SEDS Energy Technology командасы Ұлттық студенттік энергетикалық сайыста жеңіске жетіп, 5000 доллар ұтып алды

Назарбаев Университетінің Инженерия және цифрлық ғылымдар мектебінің студенттері KAZENERGY қауымдастығының «National Student Energy Challenge-2023» байқауында жеңіске жетіп, 5000 АҚШ долларын ұтып алды.

Аталған байқау 2023 жылдың 3-6 қазаны аралығында Астанада XV Kazakhstan Energy апталығы аясында ұйымдастырылған болатын. «Student Energy Challenge» жыл сайынғы зияткерлік сайысында Қазақстанның техникалық университеттері студенттері энергетикалық мәселелерді шешуге арналған жобаларын ұсынып, жаңашыл идеяларымен жарысады.

EnergyTech командасы Электротехника және компьютерлік инженерия факультетінің студенттерінен жасақталды. Олар Гүлнұр Құлжанова (4 курс, Электротехника және компьютерлік инженерия бакалавры), Руслан Молдағазыев, Заңғар Ермағанбет и Әли Әлмағанбет (1 курс, Электротехника және компьютерлік инженерия саласындағы ғылым магистрі).

Жобаның тақырыбы – компьютерлік көру және машиналық оқытуды пайдалана отырып, өнеркәсіптік энергетикалық кәсіпорындар қызметкерлерінің қауіпсіздік ережелерін сақтауын бақылаудың автоматтандырылған жүйесі. EnergyTech командасының студенттері жоба сәтті жүзеге асырылған жағдайда өнеркәсіптік кәсіпорындарда қауіпсіздік ережелерін сақтауды жақсартуға және еліміздегі жазатайым оқиғалардың санын азайтуға көмектесетінін атап өтті.